sar mein sauda bhi nahin dil mein tamanna bhi nahin

Firaq Gorakhpuri

sar mein sauda bhi nahin dil mein tamanna bhi nahin

Firaq Gorakhpuri

MORE BY Firaq Gorakhpuri

sar meñ saudā bhī nahīñ dil meñ tamannā bhī nahīñ

lekin is tark-e-mohabbat bharosā bhī nahīñ

dil gintī na yagānoñ meñ na begānoñ meñ

lekin us jalva-gah-e-nāz se uThtā bhī nahīñ

shikva-e-jaur kare kyā koī us shoḳh se jo

saaf qaa.el bhī nahīñ saaf mukartā bhī nahīñ

mehrbānī ko mohabbat nahīñ kahte ai dost

aah ab mujh se tirī ranjish-e-bejā bhī nahīñ

ek muddat se tirī yaad bhī aa.ī nahīñ hameñ

aur ham bhuul ga.e hoñ tujhe aisā bhī nahīñ

aaj ġhaflat bhī un āñkhoñ meñ hai pahle se sivā

aaj ḳhātir-e-bīmār shakebā bhī nahīñ

baat ye hai ki sukūn-e-dil-e-vahshī maqām

kunj-e-zindāñ bhī nahīñ vus.at-e-sahrā bhī nahīñ

are sayyād hamīñ gul haiñ hamīñ bulbul haiñ

ne kuchh aah sunā bhī nahīñ dekhā bhī nahīñ

aah ye majma-e-ahbāb ye bazm-e-ḳhāmosh

aaj mahfil meñ 'firāq'-e-suḳhan-ārā bhī nahīñ

ye bhī sach hai ki mohabbat pe nahīñ maiñ majbūr

ye bhī sach hai ki tirā husn kuchh aisā bhī nahīñ

yuuñ to hañgāme uThāte nahīñ dīvāna-e-ishq

magar ai dost kuchh aisoñ Thikānā bhī nahīñ

fitrat-e-husn to ma.alūm hai tujh ko hamdam

chāra kyā hai ba-juz sabr so hotā bhī nahīñ

muñh se ham apne burā to nahīñ kahte ki 'firāq'

hai tirā dost magar aadmī achchhā bhī nahīñ

sar mein sauda bhi nahin dil mein tamanna bhi nahin

lekin is tark-e-mohabbat ka bharosa bhi nahin

dil ki ginti na yaganon mein na beganon mein

lekin us jalwa-gah-e-naz se uThta bhi nahin

shikwa-e-jaur kare kya koi us shoKH se jo

saf qael bhi nahin saf mukarta bhi nahin

mehrbani ko mohabbat nahin kahte ai dost

aah ab mujh se teri ranjish-e-beja bhi nahin

ek muddat se teri yaad bhi aai nahin hamein

aur hum bhul gae hon tujhe aisa bhi nahin

aaj ghaflat bhi un aankhon mein hai pahle se siwa

aaj hi KHatir-e-bimar shakeba bhi nahin

baat ye hai ki sukun-e-dil-e-wahshi ka maqam

kunj-e-zindan bhi nahin wusat-e-sahra bhi nahin

are sayyaad hamin gul hain hamin bulbul hain

tu ne kuchh aah suna bhi nahin dekha bhi nahin

aah ye majma-e-ahbab ye bazm-e-KHamosh

aaj mahfil mein 'firaq'-e-suKHan-ara bhi nahin

ye bhi sach hai ki mohabbat pe nahin main majbur

ye bhi sach hai ki tera husn kuchh aisa bhi nahin

yun to hangame uThate nahin diwana-e-ishq

magar ai dost kuchh aison ka Thikana bhi nahin

fitrat-e-husn to malum hai tujh ko hamdam

chaara hi kya hai ba-juz sabr so hota bhi nahin

munh se hum apne bura to nahin kahte ki 'firaq'

hai tera dost magar aadmi achchha bhi nahin

Videos

Begum Akhtar

Begum Akhtar

Teena Sani

Teena Sani

0
COMMENT
COMMENTS
Start a conversation

Critique mode ON

Tap on any word to submit a critique about that line. Word-meanings will not be available while you’re in this mode.

OKAY

SUBMIT CRITIQUE

NAME

E-MAIL

CRITIQUE

Thanks, for your feedback

Critique draft saved

EDIT DISCARD

Critique mode ON

TURN OFF

Discard saved critique?

CANCEL DISCARD

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
Rekhta

Favroite added successfully

Favroite removed successfully