sar na sajde se uTha taKHir par taKHir kar

sar na sajde se uThā tāḳhīr par tāḳhīr kar

zarre jo taht-e-jabīñ aa.e unheñ iksīr kar

banda-e-rab ban ke raushan apnī tū taqdīr kar

ālam-e-kun hai tirā qabze meñ ye jāgīr kar

ashk-bārī hubb-e-ahamad uns-e-maḳhlūq-e-jahāñ

ye haiñ ajzā-e-salāsa in se dil ta.amīr kar

dāman-e-hastī meñ tere jo haiñ zarre ḳhaak ke

zarb-e-allāh-hū se is miTTī ko pur-tanvīr kar

is tarah se kuchh na kuchh shāyad ki halkā bojh ho

iztirāb-e-dil 'nazar' apnā tū ālamgīr kar

sar na sajde se uTha taKHir par taKHir kar

zarre jo taht-e-jabin aae unhen iksir kar

banda-e-rab ban ke raushan apni tu taqdir kar

aalam-e-kun hai tera qabze mein ye jagir kar

ashk-bari hubb-e-ahamad uns-e-maKHluq-e-jahan

ye hain ajza-e-salasa in se dil tamir kar

daman-e-hasti mein tere jo hain zarre KHak ke

zarb-e-allah-hu se is miTTi ko pur-tanwir kar

is tarah se kuchh na kuchh shayad ki halka bojh ho

iztirab-e-dil 'nazar' apna tu aalamgir kar