sar-ta-pa hairat mein gum ho jaega

sar-tā-pā hairat meñ gum ho jā.egā

tū bhī kyā hairat meñ gum ho jā.egā

aadmī ban jā.egā taḳhlīq-kār

aur ḳhudā hairat meñ gum ho jā.egā

dekh kar mujh ā.īna-rū kā jamāl

ā.īna hairat meñ gum ho jā.egā

laash ko vāris na pahchāneñge aur

sāneha hairat meñ gum ho jā.egā

raqs meñ hoñge dar-o-dīvār-o-bām

taḳhliya hairat meñ gum ho jā.egā

manzileñ ma.adūm ho jā.eñgī sab

rāsta hairat meñ gum ho jā.egā

aql se bhī māvarā sochūñngī maiñ

falsafa hairat meñ gum ho jā.egā

kyā se kyā ashkāl badleñgī yahāñ

kyā se kyā hairat meñ gum ho jā.egā

dekhnā ye ālam-e-ījād bhī

'rāshida' hairat meñ gum ho jā.egā

sar-ta-pa hairat mein gum ho jaega

tu bhi kya hairat mein gum ho jaega

aadmi ban jaega taKHliq-kar

aur KHuda hairat mein gum ho jaega

dekh kar mujh aaina-ru ka jamal

aaina hairat mein gum ho jaega

lash ko waris na pahchanenge aur

saneha hairat mein gum ho jaega

raqs mein honge dar-o-diwar-o-baam

taKHliya hairat mein gum ho jaega

manzilen madum ho jaengi sab

rasta hairat mein gum ho jaega

aql se bhi mawara sochunngi main

falsafa hairat mein gum ho jaega

kya se kya ashkal badlengi yahan

kya se kya hairat mein gum ho jaega

dekhna ye aalam-e-ijad bhi

'rashida' hairat mein gum ho jaega