sarapa rehn-e-ishq-o-na-guzir-e-ulfat-e-hasti

sarāpā rehn-e-ishq-o-nā-guzīr-e-ulfat-e-hastī

ibādat barq kī kartā huuñ aur afsos hāsil kā

ba-qadr-e-zarf hai saaqī ḳhumār-e-tishna-kāmī bhī

jo tū dariyā-e-mai hai to maiñ ḳhamyāza huuñ sāhil kā

zi-bas ḳhūñ-gashta-e-rashk-e-vafā thā vahm bismil kā

churāyā zaḳhm-hā-e-dil ne paanī teġh-e-qātil kā

nigāh-e-chashm-e-hāsid vaam le ai zauq-e-ḳhud-bīnī

tamāshā.ī huuñ vahdat-ḳhāna-e-ā.īna-e-dil kā

sharar-fursat nigah sāmān-e-yak-ālam charāġhāñ hai

ba-qadr-e-rañg yaañ gardish meñ hai paimāna mahfil kā

sarāsar tāḳhtan ko shash-jihat yak-arsa jaulāñ thā

huā vāmāñdgī se rah-ravāñ kī farq manzil kā

mujhe rāh-e-suḳhan meñ ḳhauf-e-gum-rāhī nahīñ ġhālib

asā-e-ḳhizr-e-sahrā-e-suḳhan hai ḳhāma be-dil kā

sarapa rehn-e-ishq-o-na-guzir-e-ulfat-e-hasti

ibaadat barq ki karta hun aur afsos hasil ka

ba-qadr-e-zarf hai saqi KHumar-e-tishna-kaami bhi

jo tu dariya-e-mai hai to main KHamyaza hun sahil ka

zi-bas KHun-gashta-e-rashk-e-wafa tha wahm bismil ka

churaya zaKHm-ha-e-dil ne pani tegh-e-qatil ka

nigah-e-chashm-e-hasid wam le ai zauq-e-KHud-bini

tamashai hun wahdat-KHana-e-aina-e-dil ka

sharar-fursat nigah saman-e-yak-alam charaghan hai

ba-qadr-e-rang yan gardish mein hai paimana mahfil ka

sarasar taKHtan ko shash-jihat yak-arsa jaulan tha

hua wamandgi se rah-rawan ki farq manzil ka

mujhe rah-e-suKHan mein KHauf-e-gum-rahi nahin ghaalib

asa-e-KHizr-e-sahra-e-suKHan hai KHama be-dil ka