sarfaroshon ke chale lashkar pe lashkar dekhiye

sarfaroshoñ ke chale lashkar pe lashkar dekhiye

apnī pahlī jañg-e-āzādī kā manzar dekhiye

dekhiye vo hinduoñ meñ valvale bajrañg ke

vo musalmānoñ meñ josh-e-ḳhūn-e-haidar dekhiye

vo mahantoñ ke maThoñ meñ yudh kī tayyāriyāñ

ban ga.e jogī ka.ī nirvān safdar dekhiye

ḳhānqāhoñ ke jigar-dāroñ meñ hañgām-e-jidāl

pās-e-qur.āñ pās-e-ta.alīm-e-payambar dekhiye

qarya qarya kūche kūche meñ vo jañgī ma.arke

har taraf se aag barsī jin pe vo ghar dekhiye

sarfaroshon ke chale lashkar pe lashkar dekhiye

apni pahli jang-e-azadi ka manzar dekhiye

dekhiye wo hinduon mein walwale bajrang ke

wo musalmanon mein josh-e-KHun-e-haidar dekhiye

wo mahanton ke maThon mein yudh ki tayyariyan

ban gae jogi kai nirwan safdar dekhiye

KHanqahon ke jigar-daron mein hangam-e-jidal

pas-e-quran pas-e-talim-e-payambar dekhiye

qarya qarya kuche kuche mein wo jangi marke

har taraf se aag barsi jin pe wo ghar dekhiye