sarhad-e-awaz dil ka dur se patthar na dekh

sarhad-e-āvāz dil kā duur se patthar na dekh

tā.ir-e-shauq-e-navā tūfān ke tevar na dekh

matla-e-anvār hai go aaj terā āsmāñ

Dūbte sūraj kī kirnoñ ko magar tan kar na dekh

de lab-e-ḳhāmosh tak aa.ī huī bātoñ pe dhyān

gar sar-e-mizhgāñ khulā ik dard kā daftar na dekh

barg-e-ḳhushk-o-tar rah-e-zer-o-zabar ik vāhima

ai adā-e-kajravī ab shoḳhī-e-sarsar na dekh

us ke jalvoñ se pare ik dard kī āvāz sun

ḳhvāb kī ta.abīr se Dar ḳhvāb kā mehvar na dekh

sāf-goī juzv-e-īmāñ hai to 'nāsir' be-jhijak

jī meñ jo aa jaa.e kah de jānib-e-mimbar na dekh

sarhad-e-awaz dil ka dur se patthar na dekh

tair-e-shauq-e-nawa tufan ke tewar na dekh

matla-e-anwar hai go aaj tera aasman

Dubte suraj ki kirnon ko magar tan kar na dekh

de lab-e-KHamosh tak aai hui baaton pe dhyan

gar sar-e-mizhgan khula ek dard ka daftar na dekh

barg-e-KHushk-o-tar rah-e-zer-o-zabar ek wahima

ai ada-e-kajrawi ab shoKHi-e-sarsar na dekh

us ke jalwon se pare ek dard ki aawaz sun

KHwab ki tabir se Dar KHwab ka mehwar na dekh

saf-goi juzw-e-iman hai to 'nasir' be-jhijak

ji mein jo aa jae kah de jaanib-e-mimbar na dekh