sarma tha magar phir bhi wo din kitne baDe the

sarmā thā magar phir bhī vo din kitne baḌe the

us chāñd se jab pahle-pahal nain laḌe the

raste baḌe dushvār the aur kos kaḌe the

lekin tirī āvāz pe ham dauḌ paḌe the

bahtā thā mire paañv tale ret kā dariyā

aur dhuup ke neze mirī nas nas meñ gaḌe the

peḌoñ pe kabhī ham ne bhī pathrāv kiyā thā

shāḳhoñ se magar sūkhe hue paat jhaḌe the

ai 'rām' vo kis tarah lage paar musāfir

jin ke sar-o-sāmān ye miTTī ke ghaḌe the

sarma tha magar phir bhi wo din kitne baDe the

us chand se jab pahle-pahal nain laDe the

raste baDe dushwar the aur kos kaDe the

lekin teri aawaz pe hum dauD paDe the

bahta tha mere panw tale ret ka dariya

aur dhup ke neze meri nas nas mein gaDe the

peDon pe kabhi hum ne bhi pathraw kiya tha

shaKHon se magar sukhe hue pat jhaDe the

ai 'ram' wo kis tarah lage par musafir

jin ke sar-o-saman ye miTTi ke ghaDe the