sarshaar kisi subh kisi sham na aaya

'sarshār' kisī sub.h kisī shaam na aaya

is gardish-e-ayyām ko ārām na aaya

aakar bhī tū ai sāqī-e-gulfām na aaya

aaya na idhar jaam idhar jaam na aaya

jīte-jī sad-afsos na aaya ye kisī kaam

mar kar bhī to insān kisī kaam na aaya

tū tark-e-ta.alluq ko samajh husn-e-ta.alluq

kyā kam hai ye paiġhām ki paiġhām na aaya

'sarshaar' kisi subh kisi sham na aaya

is gardish-e-ayyam ko aaram na aaya

aakar bhi tu ai saqi-e-gulfam na aaya

aaya na idhar jam idhar jam na aaya

jite-ji sad-afsos na aaya ye kisi kaam

mar kar bhi to insan kisi kaam na aaya

tu tark-e-talluq ko samajh husn-e-talluq

kya kam hai ye paigham ki paigham na aaya