sauda tha bala-e-josh par raat

saudā thā balā-e-josh par raat

bistar pe bichhā.e neshtar raat

bigḌe the yahāñ vo aan kar raat

be-taur banī thī jaan par raat

ham tā-sahar aap meñ nahīñ the

kyā jaane rahe vo kis ke ghar raat

afsāna samajh ke so ga.e vo

kaam aa.ī fuġhān-e-be-asar raat

ā.īne meñ ho na mom jaadū

sote nahīñ ab vo tā-sahar raat

taare āñkheñ jhapak rahe the

thā baam pe kaun jalva-gar raat

andher paḌā zamāne meñ haa.e

ne din ko hai mehr ne qamar raat

is lail-o-nahār-e-ġham ne maarā

hai roz se siyāh-tar raat

kyā pūchho ho munkar-o-nakīr aah

bigḌe jo vo tān-e-ġhair par raat

ye baat baḌhī ki mar ga.e ham

maut aa.ī thī qissa muḳhtasar raat

is ghar meñ hai aish-e-ḳhuld 'momin'

kyā jaane kahāñ hai din kidhar raat

sauda tha bala-e-josh par raat

bistar pe bichhae neshtar raat

bigDe the yahan wo aan kar raat

be-taur bani thi jaan par raat

hum ta-sahar aap mein nahin the

kya jaane rahe wo kis ke ghar raat

afsana samajh ke so gae wo

kaam aai fughan-e-be-asar raat

aaine mein ho na mom jadu

sote nahin ab wo ta-sahar raat

tare aankhen jhapak rahe the

tha baam pe kaun jalwa-gar raat

andher paDa zamane mein hae

ne din ko hai mehr ne qamar raat

is lail-o-nahaar-e-gham ne mara

hai roz se siyah-tar raat

kya puchho ho munkar-o-nakir aah

bigDe jo wo tan-e-ghair par raat

ye baat baDhi ki mar gae hum

maut aai thi qissa muKHtasar raat

is ghar mein hai aish-e-KHuld 'momin'

kya jaane kahan hai din kidhar raat