sawal ab bhi wahi hai janab kaise hua
savāl ab bhī vahī hai janāb kaise huā
kisī kī ḳhushbū se behtar gulāb kaise huā
tamām raat maiñ ḳhud se savāl kartī rahī
jise chhuā ho haqīqat meñ ḳhvāb kaise huā
abhī baqāyā hai ik qist muskurāhaT kī
abhī ġhamoñ kā barābar hisāb kaise huā
chalo ye maan liyā ham to jānte hī na the
tumheñ to saarā patā thā sarāb kaise huā
mirī samajh meñ abhī tak ye raaz aa na sakā
bujhā charāġh bhalā āftāb kaise huā
maza to jab thā ke rahte tumhāre dil meñ bhī
nazar meñ rahnā faqat intiḳhāb kaise huā
sawal ab bhi wahi hai janab kaise hua
kisi ki KHushbu se behtar gulab kaise hua
tamam raat main KHud se sawal karti rahi
jise chhua ho haqiqat mein KHwab kaise hua
abhi baqaya hai ek qist muskurahaT ki
abhi ghamon ka barabar hisab kaise hua
chalo ye man liya hum to jaante hi na the
tumhein to sara pata tha sarab kaise hua
meri samajh mein abhi tak ye raaz aa na saka
bujha charagh bhala aaftab kaise hua
maza to jab tha ke rahte tumhaare dil mein bhi
nazar mein rahna faqat intiKHab kaise hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
