sawal-e-tajurba-e-kar-e-saKHt uThne laga

savāl-e-tajurba-e-kār-e-saḳht uThne lagā

so phir tamavvuj-e-andoh-baḳht uThne lagā

ba-kaj-adaya-e-ḳhūbān-e-nāz-e-ālam se

tayaqqun-e-dil-bargashta baḳht uThne lagā

dukān-o-majlis-e-nā-āshnā-e-jauhar se

ye arjumand ba-asbāb-o-raḳht uThne lagā

ba-qadr-e-ramz jahāñ fahma-e-nigāh-e-dil

nashīn-e-kūcha-o-sahrā-o-taḳht uThne lagā

ba-iltihāb-e-tamannā-e-dīd-e-hāsil-e-ishq

dhuāñ sā az-jigar-e-laḳht-laḳht uThne lagā

ḳhabar to thī mire dair-āshnā ko duniyā se

ki 'hādis'-e-ġham-e-aġhmāz-e-baḳht uThne lagā

sawal-e-tajurba-e-kar-e-saKHt uThne laga

so phir tamawwuj-e-andoh-baKHt uThne laga

ba-kaj-adaya-e-KHuban-e-naz-e-alam se

tayaqqun-e-dil-bargashta baKHt uThne laga

dukan-o-majlis-e-na-ashna-e-jauhar se

ye arjumand ba-asbab-o-raKHt uThne laga

ba-qadr-e-ramz jahan fahma-e-nigah-e-dil

nashin-e-kucha-o-sahra-o-taKHt uThne laga

ba-iltihab-e-tamanna-e-did-e-hasil-e-ishq

dhuan sa az-jigar-e-laKHt-laKHt uThne laga

KHabar to thi mere dair-ashna ko duniya se

ki 'hadis'-e-gham-e-aghmaz-e-baKHt uThne laga