sawal karta nahin aur jawab uski talab
savāl kartā nahīñ aur javāb us kī talab
ki an-kahī kā bhī dohra azaab us kī talab
zamīn-e-shor se koñpal numū kī māñgtā hai
nihāl-e-ḳhushk se taaza gulāb us kī talab
vo aañkh khulne kā bhī intizār kartā nahīñ
darūn-e-ḳhvāb hī tābīr-e-ḳhvāb us kī talab
visāl-rut kā har ik lamha us ke naam kiyā
magar hai guzre dinoñ kā hisāb us kī talab
'shafīq' din kā ujālā tū paḌh nahīñ saktā
pas-e-ġhurūb bhī ik āftāb us kī talab
sawal karta nahin aur jawab us ki talab
ki an-kahi ka bhi dohra azab us ki talab
zamin-e-shor se konpal numu ki mangta hai
nihaal-e-KHushk se taza gulab us ki talab
wo aankh khulne ka bhi intizar karta nahin
darun-e-KHwab hi tabir-e-KHwab us ki talab
visal-rut ka har ek lamha us ke nam kiya
magar hai guzre dinon ka hisab us ki talab
'shafiq' din ka ujala tu paDh nahin sakta
pas-e-ghurub bhi ek aaftab us ki talab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
