shab-e-visal mein duri ka KHwab kyun aaya

Muneer Niyazi

shab-e-visal mein duri ka KHwab kyun aaya

Muneer Niyazi

MORE BYMuneer Niyazi

    shab-e-visāl meñ duurī ḳhvāb kyuuñ aayā

    kamāl-e-fat.h meñ ye Dar baab kyuuñ aayā

    diloñ meñ ab ke baras itne vahm kyuuñ jaage

    bilād-e-sabr meñ ab iztirāb kyuuñ aayā

    hai aag gul pe ajab is bahār-e-guzrāñ meñ

    chaman meñ ab ke gul-e-be-hisāb kyuuñ aayā

    agar vahī thā to ruḳh pe vo be-ruḳhī kyā thī

    zarā se hijr meñ ye inqalāb kyuuñ aayā

    bas ek hogā tamāshā tamām samtoñ par

    mirī sadā ke safar meñ sarāb kyuuñ aayā

    maiñ ḳhush nahīñ huuñ bahut duur us se hone par

    jo maiñ nahīñ thā to us par shabāb kyuuñ aayā

    uḌā hai shola-e-barq abr fasīloñ par

    ye is balā ke muqābil sahāb kyuuñ aayā

    yaqīn kis liye us par se uTh gayā hai 'munīr'

    tumhāre sar pe ye shak azaab kyuuñ aayā

    shab-e-visal mein duri ka KHwab kyun aaya

    kamal-e-fath mein ye Dar ka bab kyun aaya

    dilon mein ab ke baras itne wahm kyun jage

    bilad-e-sabr mein ab iztirab kyun aaya

    hai aag gul pe ajab is bahaar-e-guzran mein

    chaman mein ab ke gul-e-be-hisab kyun aaya

    agar wahi tha to ruKH pe wo be-ruKHi kya thi

    zara se hijr mein ye inqalab kyun aaya

    bas ek hoga tamasha tamam samton par

    meri sada ke safar mein sarab kyun aaya

    main KHush nahin hun bahut dur us se hone par

    jo main nahin tha to us par shabab kyun aaya

    uDa hai shola-e-barq abr ki fasilon par

    ye is bala ke muqabil sahab kyun aaya

    yaqin kis liye us par se uTh gaya hai 'munir'

    tumhaare sar pe ye shak ka azab kyun aaya

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY