zaban suKHan ko suKHan bankpan ko tarsega

zabāñ suḳhan ko suḳhan bāñkpan ko tarsegā

suḳhan-kadā mirī tarz-e-suḳhan ko tarsegā

na.e piyāle sahī tere daur meñ saaqī

ye daur merī sharāb-e-kuhan ko tarsegā

mujhe to ḳhair vatan chhoḌ kar amaañ na milī

vatan bhī mujh se ġharīb-ul-vatan ko tarsegā

inhī ke dam se farozāñ haiñ millatoñ ke charāġh

zamāna soh.bat-e-arbāb-e-fan ko tarsegā

badal sako to badal do ye bāġhbāñ varna

ye baaġh sāya-e-sarv-o-saman ko tarsegā

havā-e-zulm yahī hai to dekhnā ik din

zamīn paanī ko sūraj kiran ko tarsegā

zaban suKHan ko suKHan bankpan ko tarsega

suKHan-kada meri tarz-e-suKHan ko tarsega

nae piyale sahi tere daur mein saqi

ye daur meri sharab-e-kuhan ko tarsega

mujhe to KHair watan chhoD kar aman na mili

watan bhi mujh se gharib-ul-watan ko tarsega

inhi ke dam se farozan hain millaton ke charagh

zamana sohbat-e-arbab-e-fan ko tarsega

badal sako to badal do ye baghban warna

ye bagh saya-e-sarw-o-saman ko tarsega

hawa-e-zulm yahi hai to dekhna ek din

zamin pani ko suraj kiran ko tarsega