shadab shaKH-e-dard ki har por kyun nahin

shādāb shāḳh-e-dard kī har por kyuuñ nahīñ

har barg ik zabāñ hai to phir shor kyuuñ nahīñ

vārasta-e-azāb-e-tamāshā hai chashm-e-barg

ai āgahī nigāh mirī kor kyuuñ nahīñ

dast-e-savāl-e-barg hai shabnam se kyuuñ tahī

jo bādaloñ ko luuT le vo zor kyuuñ nahīñ

ziist ek barg-e-tishna hai vo abr kyā hue

ab un kī koī raah mirī or kyuuñ nahīñ

ye sho.ala ek barg-e-ḳhizāñ hai ki barg-e-gul

āñkhoñ meñ terī shaam hai kyuuñ bhor kyuuñ nahīñ

shadab shaKH-e-dard ki har por kyun nahin

har barg ek zaban hai to phir shor kyun nahin

warasta-e-azab-e-tamasha hai chashm-e-barg

ai aagahi nigah meri kor kyun nahin

dast-e-sawal-e-barg hai shabnam se kyun tahi

jo baadalon ko luT le wo zor kyun nahin

zist ek barg-e-tishna hai wo abr kya hue

ab un ki koi rah meri or kyun nahin

ye shoala ek barg-e-KHizan hai ki barg-e-gul

aankhon mein teri sham hai kyun bhor kyun nahin