shadmani ka kabhi gham ka kabhi josh raha

shādmānī kā kabhī ġham kā kabhī josh rahā

ek saudā rahā jab tak ki mujhe hosh rahā

juz tirī yaad ke sab dil se farāmosh rahā

marte marte dīvāne ko ye hosh rahā

ruḳh-e-pur-nūr se bas un kā ulaTnā thā naqāb

kaun kambaḳht thā aisā ki jise hosh rahā

ye bhī ehsāñ hai jo us ne na diyā koī javāb

shauq-e-ummīd kā haamī lab-e-ḳhāmosh rahā

be-dhaḌak sāmne mahshar kī vo aana terā

dekh lenā jo kisī ek ko bhī hosh rahā

kis se fariyād-e-sitam karte milā jab ki na tū

tū milā jab to sitam terā farāmosh rahā

rāz-e-sar-basta-e-mai-ḳhāna na khulne paayā

āshnā-e-lab-e-sāġhar lab-e-mai-nosh rahā

dard rah rah ke mire dil meñ uThā kartā hai

terā ehsāñ ki tujhe maiñ na farāmosh rahā

bār-e-ehsāñ hai mire sar pe tirā o qātil

sar judā hone pe bhī maiñ na subuk-dosh rahā

dard uThte hī taḌapne lagānā mahram-e-rāz

jo adā se tirī vāqif thā vo ḳhāmosh rahā

kyā kahūñ maut ne kis raaz kī dī aa ke ḳhabar

baat hī kuchh thī vo aisī ki maiñ ḳhāmosh rahā

jaan 'betāb' kī āḳhir shab-e-tanhā.ī ne lī

tū kahāñ shaam se o va.ada-farāmosh rahā

shadmani ka kabhi gham ka kabhi josh raha

ek sauda raha jab tak ki mujhe hosh raha

juz teri yaad ke sab dil se faramosh raha

marte marte diwane ko ye hosh raha

ruKH-e-pur-nur se bas un ka ulaTna tha naqab

kaun kambaKHt tha aisa ki jise hosh raha

ye bhi ehsan hai jo us ne na diya koi jawab

shauq-e-ummid ka hami lab-e-KHamosh raha

be-dhaDak samne mahshar ki wo aana tera

dekh lena jo kisi ek ko bhi hosh raha

kis se fariyaad-e-sitam karte mila jab ki na tu

tu mila jab to sitam tera faramosh raha

raaz-e-sar-basta-e-mai-KHana na khulne paya

aashna-e-lab-e-saghar lab-e-mai-nosh raha

dard rah rah ke mere dil mein uTha karta hai

tera ehsan ki tujhe main na faramosh raha

bar-e-ehsan hai mere sar pe tera o qatil

sar juda hone pe bhi main na subuk-dosh raha

dard uThte hi taDapne lagana mahram-e-raaz

jo ada se teri waqif tha wo KHamosh raha

kya kahun maut ne kis raaz ki di aa ke KHabar

baat hi kuchh thi wo aisi ki main KHamosh raha

jaan 'betab' ki aaKHir shab-e-tanhai ne li

tu kahan sham se o wada-faramosh raha