shaer-e-fitrat hun jab bhi fikr farmata hun main

Jigar Moradabadi

shaer-e-fitrat hun jab bhi fikr farmata hun main

Jigar Moradabadi

MORE BY Jigar Moradabadi

    shā.er-e-fitrat huuñ jab bhī fikr farmātā huuñ maiñ

    ruuh ban kar zarre zarre meñ samā jaatā huuñ maiñ

    aa ki tujh bin is tarah ai dost ghabrātā huuñ maiñ

    jaise har shai meñ kisī shai kamī paatā huuñ maiñ

    jis qadar afsāna-e-hastī ko dohrātā huuñ maiñ

    aur bhī be-gāna-e-hastī huā jaatā huuñ maiñ

    jab makān-o-lā-makāñ sab se guzar jaatā huuñ maiñ

    allāh allāh tujh ko ḳhud apnī jagah paatā huuñ maiñ

    terī sūrat jo ā.īna use paatā huuñ maiñ

    apne dil par aap kyā kyā naaz farmātā huuñ maiñ

    yak-ba-yak ghabrā ke jitnī duur haT aatā huuñ maiñ

    aur bhī us shoḳh ko nazdīk-tar paatā huuñ maiñ

    merī hastī shauq-e-paiham merī fitrat iztirāb

    koī manzil ho magar guzrā chalā jaatā huuñ maiñ

    hā.e-rī majbūriyāñ tark-e-mohabbat ke liye

    mujh ko samjhāte haiñ vo aur un ko samjhātā huuñ maiñ

    merī himmat dekhnā merī tabī.at dekhnā

    jo sulajh jaatī hai gutthī phir se uljhātā huuñ maiñ

    husn ko kyā dushmanī hai ishq ko kyā bair hai

    apne qadmoñ ḳhud Thokareñ khātā huuñ maiñ

    terī mahfil tere jalve phir taqāzā kyā zarūr

    le uThā jaatā huuñ zālim le chalā jaatā huuñ maiñ

    tā-kujā ye parda-dārī-ha-e-ishq-o-lāf-e-husn

    haañ sambhal jaa.eñ do-ālam hosh meñ aatā huuñ maiñ

    merī ḳhātir ab vo taklīf-e-tajalli kyuuñ kareñ

    apnī gard-e-shauq meñ ḳhud chhupā jaatā huuñ maiñ

    dil mujassam sher-o-naġhma vo sarāpā rañg-o-bū

    kyā fazā.eñ haiñ ki jin meñ hal huā jaatā huuñ maiñ

    tā-kujā zabt-e-mohabbat tā-kujā dard-e-firāq

    rahm kar mujh par ki terā raaz kahlātā huuñ maiñ

    vāh-re shauq-e-shahādat kū-e-qātil taraf

    gungunātā raqs kartā jhūmtā jaatā huuñ maiñ

    vo sūrat ḳhud jahān-e-rañg-o-bū mahkūm thā

    ye aalam apne saa.e se dabā jaatā huuñ maiñ

    dekhnā is ishq ye turfa-kārī dekhnā

    vo jafā karte haiñ mujh par aur sharmātā huuñ maiñ

    ek dil hai aur tūfān-e-havādis ai 'jigar'

    ek shīsha hai ki har patthar se Takrātā huuñ maiñ

    shaer-e-fitrat hun jab bhi fikr farmata hun main

    ruh ban kar zarre zarre mein sama jata hun main

    aa ki tujh bin is tarah ai dost ghabraata hun main

    jaise har shai mein kisi shai ki kami pata hun main

    jis qadar afsana-e-hasti ko dohraata hun main

    aur bhi be-gana-e-hasti hua jata hun main

    jab makan-o-la-makan sab se guzar jata hun main

    allah allah tujh ko KHud apni jagah pata hun main

    teri surat ka jo aaina use pata hun main

    apne dil par aap kya kya naz farmata hun main

    yak-ba-yak ghabra ke jitni dur haT aata hun main

    aur bhi us shoKH ko nazdik-tar pata hun main

    meri hasti shauq-e-paiham meri fitrat iztirab

    koi manzil ho magar guzra chala jata hun main

    hae-ri majburiyan tark-e-mohabbat ke liye

    mujh ko samjhate hain wo aur un ko samjhata hun main

    meri himmat dekhna meri tabiat dekhna

    jo sulajh jati hai gutthi phir se uljhata hun main

    husn ko kya dushmani hai ishq ko kya bair hai

    apne hi qadmon ki KHud hi Thokaren khata hun main

    teri mahfil tere jalwe phir taqaza kya zarur

    le uTha jata hun zalim le chala jata hun main

    ta-kuja ye parda-dari-ha-e-ishq-o-laf-e-husn

    han sambhal jaen do-alam hosh mein aata hun main

    meri KHatir ab wo taklif-e-tajalli kyun karen

    apni gard-e-shauq mein KHud hi chhupa jata hun main

    dil mujassam sher-o-naghma wo sarapa rang-o-bu

    kya fazaen hain ki jin mein hal hua jata hun main

    ta-kuja zabt-e-mohabbat ta-kuja dard-e-firaq

    rahm kar mujh par ki tera raaz kahlata hun main

    wah-re shauq-e-shahadat ku-e-qatil ki taraf

    gungunata raqs karta jhumta jata hun main

    ya wo surat KHud jahan-e-rang-o-bu mahkum tha

    ya ye aalam apne sae se daba jata hun main

    dekhna is ishq ki ye turfa-kari dekhna

    wo jafa karte hain mujh par aur sharmata hun main

    ek dil hai aur tufan-e-hawadis ai 'jigar'

    ek shisha hai ki har patthar se Takraata hun main

    Videos
    This video is playing from YouTube

    Videos
    This video is playing from YouTube

    Multiple

    Multiple

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY