shaKH pe chiDiya gati hai
shāḳh pe chiḌiyā gaatī hai
jo kuchh hai lamhātī hai
palkeñ bhīgī rahtī haiñ
dil kī fazā jazbātī hai
baat karūñ yā sher kahūñ
ek sī ḳhushbū aatī hai
shahr meñ huuñ aur tanhā huuñ
rañg mirā qasbātī hai
fikr hai mujh ko apnī hī
ġham bhī merā zaatī hai
hukm na do bedārī kā
niiñd hī kis ko aatī hai
lams-e-anā par itnā naaz
ḳhushbū hai uḌ jaatī hai
sham.a kī sūrat qismat bhī
jalte hī bujh jaatī hai
qaid-e-qafas meñ ab 'nāzir'
ruuh bahut ghabrātī hai
shaKH pe chiDiya gati hai
jo kuchh hai lamhati hai
palken bhigi rahti hain
dil ki faza jazbaati hai
baat karun ya sher kahun
ek si KHushbu aati hai
shahr mein hun aur tanha hun
rang mera qasbaati hai
fikr hai mujh ko apni hi
gham bhi mera zati hai
hukm na do bedari ka
nind hi kis ko aati hai
lams-e-ana par itna naz
KHushbu hai uD jati hai
shama ki surat qismat bhi
jalte hi bujh jati hai
qaid-e-qafas mein ab 'nazir'
ruh bahut ghabraati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
