شام غم افسردہ و حیراں تھے ہم
شام غم افسردہ و حیراں تھے ہم
لوگ سمجھے بے سر و ساماں تھے ہم
تیز تھی اتنی زمانے کی ہوا
پیرہن در پیرہن عریاں تھے ہم
ہم سے بے معنی گریز و اختلاف
ہم نشیں دو روز کے مہماں تھے ہم
آج اپنی شہریت مشکوک ہے
ایک دن اس ملک کے سلطاں تھے ہم
زندگی کیا حشر کا میدان تھی
اپنی اپنی فکر میں غلطاں تھے ہم
منکشف تھے ہم پہ اسرار جمال
راز دار جلوۂ جاناں تھے ہم
تھی ہمیں سے گرمئ محفل قدیرؔ
داستان زیست کے عنواں تھے ہم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.