sham-e-gham uske ham-rikab nahin
shām-e-ġham us ke ham-rikāb nahīñ
sāġhar-e-mai hai āftāb nahīñ
māne’-e-dīd shauq-e-behad hai
is se baḌh kar koī hijāb nahīñ
jo qayāmat na ho javānī kyā
yā qayāmat hai yā shabāb nahīñ
ik yahī hai haqīqat-e-sābit
bazm-e-hastī ḳhayāl-o-ḳhvāb nahīñ
maut kitnī hī shāndār sahī
zindagī kā magar javāb nahīñ
'vajd' shāhid hai raunaq-e-‘ālam
har junūñ ḳhānumāñ-ḳharāb nahīñ
sham-e-gham us ke ham-rikab nahin
saghar-e-mai hai aaftab nahin
mane’-e-did shauq-e-behad hai
is se baDh kar koi hijab nahin
jo qayamat na ho jawani kya
ya qayamat hai ya shabab nahin
ek yahi hai haqiqat-e-sabit
bazm-e-hasti KHayal-o-KHwab nahin
maut kitni hi shandar sahi
zindagi ka magar jawab nahin
'wajd' shahid hai raunaq-e-‘alam
har junun KHanuman-KHarab nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
