sham ne jab palkon pe aatish-dan liya
shaam ne jab palkoñ pe ātish-dān liyā
kuchh yādoñ ne chuTkī meñ lobān liyā
darvāzoñ ne apnī āñkheñ nam kar liiñ
dīvāroñ ne apnā siina taan liyā
pyaas to apnī saat samundar jaisī thī
nāhaq ham ne bārish kā ehsān liyā
maiñ ne talvoñ se bāñdhī thī chhāñv magar
shāyad mujh ko sūraj ne pahchān liyā
kitne sukh se dhartī oḌh ke so.e haiñ
ham ne apnī maañ kā kahnā maan liyā
sham ne jab palkon pe aatish-dan liya
kuchh yaadon ne chuTki mein loban liya
darwazon ne apni aankhen nam kar lin
diwaron ne apna sina tan liya
pyas to apni sat samundar jaisi thi
nahaq hum ne barish ka ehsan liya
main ne talwon se bandhi thi chhanw magar
shayad mujh ko suraj ne pahchan liya
kitne sukh se dharti oDh ke soe hain
hum ne apni man ka kahna man liya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
