shamil tha ye sitam bhi kisi ke nisab mein

shāmil thā ye sitam bhī kisī ke nisāb meñ

titlī milī hanūt purānī kitāb meñ

dekhūñgā kis tarah se kisī ko azaab meñ

sab ke gunāh Daal de mere hisāb meñ

phir bevafā ko bahr-e-mohabbat samajh liyā

phir dil kī naav Duub ga.ī hai sarāb meñ

pahle gulāb us meñ dikhā.ī diyā mujhe

ab vo mujhe dikhā.ī diyā hai gulāb meñ

vo rañg-e-ātshīñ vo dahaktā huā shabāb

chehre ne jaise aag lagā dī naqāb meñ

bārish ne apnā aks kahīñ dekhnā na ho

kyuuñ aa.ine ubharne lage haiñ habāb meñ

gardish kī teziyoñ ne use nuur kar diyā

miTTī chamak rahī hai yahī āftāb meñ

us sañg-dil ko maiñ ne pukārā to thā 'adīm'

apnī sadā hī lauT kar aa.ī javāb meñ

shamil tha ye sitam bhi kisi ke nisab mein

titli mili hanut purani kitab mein

dekhunga kis tarah se kisi ko azab mein

sab ke gunah Dal de mere hisab mein

phir bewafa ko bahr-e-mohabbat samajh liya

phir dil ki naw Dub gai hai sarab mein

pahle gulab us mein dikhai diya mujhe

ab wo mujhe dikhai diya hai gulab mein

wo rang-e-atshin wo dahakta hua shabab

chehre ne jaise aag laga di naqab mein

barish ne apna aks kahin dekhna na ho

kyun aaine ubharne lage hain habab mein

gardish ki teziyon ne use nur kar diya

miTTi chamak rahi hai yahi aaftab mein

us sang-dil ko main ne pukara to tha 'adim'

apni sada hi lauT kar aai jawab mein