shab Dhali mahfil uThi ab ghar chalen
shab Dhalī mahfil uThī ab ghar chaleñ
har taraf hai ḳhāmushī ab ghar chaleñ
DhūñDte ho kyā ḳhushī ab ghar chaleñ
mil chuke haiñ ġham ka.ī ab ghar chaleñ
dekh kar sahrā meñ ḳhvāb-e-gulsitāñ
thak chukī hai rah-ravī ab ghar chaleñ
jal uThā dil meñ charāġh-e-āgahī
raah kuchh raushan huī ab ghar chaleñ
nāḳhudā laayā ki laayā hai ḳhudā
naav sāhil par lagī ab ghar chaleñ
koī to 'bebāk' hogī muntazir
maut ho yā zindagī ab ghar chaleñ
shab Dhali mahfil uThi ab ghar chalen
har taraf hai KHamushi ab ghar chalen
DhunDte ho kya KHushi ab ghar chalen
mil chuke hain gham kai ab ghar chalen
dekh kar sahra mein KHwab-e-gulsitan
thak chuki hai rah-rawi ab ghar chalen
jal uTha dil mein charagh-e-agahi
rah kuchh raushan hui ab ghar chalen
naKHuda laya ki laya hai KHuda
naw sahil par lagi ab ghar chalen
koi to 'bebak' hogi muntazir
maut ho ya zindagi ab ghar chalen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
