shab-e-firaq ke dam toDe hue lamho
shab-e-firāq ke dam toḌe hue lamho
mirī tarah se sitāroñ kā nauha sunte ho?
dayār-e-jāñ meñ bagūloñ kā raqs jaarī hai
mire udaas ḳhayālo kivāḌ mat kholo
ga.e dinoñ kī mohabbat ye din malāl ke haiñ
na.e dinoñ kī mohabbat ko taaq par rakh do
kabhī milo to sahī bar-banā.e matlab hī
hameñ bhī baḳhsh do sarmāya-e-ġhurūr ab to
sunā hai kaliyāñ chaTaktī haiñ muskurāne se
ye tajraba hī sahī muskurā ke dekho to
tamām raat jo laḌtā rahā añdheroñ se
'ḳhayāl' ab vo sitāra bhī gum huā dekho
shab-e-firaq ke dam toDe hue lamho
meri tarah se sitaron ka nauha sunte ho?
dayar-e-jaan mein bagulon ka raqs jari hai
mere udas KHayalo kiwaD mat kholo
gae dinon ki mohabbat ye din malal ke hain
nae dinon ki mohabbat ko taq par rakh do
kabhi milo to sahi bar-banae matlab hi
hamein bhi baKHsh do sarmaya-e-ghurur ab to
suna hai kaliyan chaTakti hain muskurane se
ye tajraba hi sahi muskura ke dekho to
tamam raat jo laDta raha andheron se
'KHayal' ab wo sitara bhi gum hua dekho
- Book : aks-e-khvaab (Pg. 17)
- Author : mustahsin khyaal
- Publication : shirkat printing press lahore (1990)
- Edition : 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
