shab-e-firaq mein bhi wasl sa surur raha

shab-e-firāq meñ bhī vasl sā surūr rahā

rahā na paas mire vo na mujh se duur rahā

kareñge 'ishq uḌā.eñge ḳhaak sahrā meñ

ki kam-sinī se hameñ ik yahī futūr rahā

kalīm hasrateñ karte hī rah ga.e āḳhir

magar nasīb to dekho ki nazr-e-tūr rahā

sarā-e-dil meñ nahīñ ik zarā bhī tanhā.ī

koī na koī yahāñ dam-ba-dam zarūr rahā

'ajīb haal hai 'sā.in' kaheñ to kis se kaheñ

ki pastiyoñ pe hameñ kis qadar ġhurūr rahā

shab-e-firaq mein bhi wasl sa surur raha

raha na pas mere wo na mujh se dur raha

karenge 'ishq uDaenge KHak sahra mein

ki kam-sini se hamein ek yahi futur raha

kalim hasraten karte hi rah gae aaKHir

magar nasib to dekho ki nazr-e-tur raha

sara-e-dil mein nahin ek zara bhi tanhai

koi na koi yahan dam-ba-dam zarur raha

'ajib haal hai 'sain' kahen to kis se kahen

ki pastiyon pe hamein kis qadar ghurur raha