shab-e-siyah hua roz ai sajan tujh bin

shab-e-siyāh huā roz ai sajan tujh bin

misāl-e-sham.a jale ahl-e-anjuman tujh bin

huī hai jaan mujhe zindagī maran tujh bin

kafan huī haiñ badan ke uupar basan tujh bin

na shahr biich mirā dil lage na sahrā meñ

kuchh āvatī nahīñ ai maah mujh siiñ ban tujh bin

huā hai aag kā sho.ala sharāb pyāle meñ

lagā hai jaan labāñ kuuñ mire dahan tujh bin

udaas dil pe hamārā kahīñ na jā parchā

kaThin huā hai mujhe shahr meñ basan tujh bin

kabhī to yaad kar iḳhlās fātiha kahnā

ki 'ābrū' kā huā hijr siiñ maran tujh bin

shab-e-siyah hua roz ai sajan tujh bin

misal-e-shama jale ahl-e-anjuman tujh bin

hui hai jaan mujhe zindagi maran tujh bin

kafan hui hain badan ke upar basan tujh bin

na shahr bich mera dil lage na sahra mein

kuchh aawati nahin ai mah mujh sin ban tujh bin

hua hai aag ka shoala sharab pyale mein

laga hai jaan laban kun mere dahan tujh bin

udas dil pe hamara kahin na ja parcha

kaThin hua hai mujhe shahr mein basan tujh bin

kabhi to yaad kar iKHlas fatiha kahna

ki 'abru' ka hua hijr sin maran tujh bin