shab ke hain mah mehr hain din ke

shab ke haiñ maah mehr haiñ din ke

ruup dekhe butān-e-kamsin ke

bose haiñ be-hisāb har din ke

va.ade kyuuñ Tālte ho gin gin ke

haiñ vo dīvāne jazb-e-bātin ke

utrī hai shīshe meñ parī jin ke

ahl-e-dil dekhte haiñ aap kā muñh

aa.ine meñ safā.ī bātin ke

dil ravāñ ho ḳhayāl-e-yār ke saath

jaa.e maskan bhī saath sākin ke

lāġharoñ par hai zulm-e-jāñ-shiknī

ai ajal toḌtī hai kyuuñ tinke

rahe kalkatta meñ muḳhīr 'munīr'

sadqe apne imām-e-zāmin ke

shab ke hain mah mehr hain din ke

rup dekhe butan-e-kamsin ke

bose hain be-hisab har din ke

wade kyun Talte ho gin gin ke

hain wo diwane jazb-e-baatin ke

utri hai shishe mein pari jin ke

ahl-e-dil dekhte hain aap ka munh

aaine mein safai baatin ke

dil rawan ho KHayal-e-yar ke sath

jae maskan bhi sath sakin ke

lagharon par hai zulm-e-jaan-shikni

ai ajal toDti hai kyun tinke

rahe kalkatta mein muKHir 'munir'

sadqe apne imam-e-zamin ke