shab ki tanhai mein jab dil ki nawa baat kare

shab kī tanhā.ī meñ jab dil kī navā baat kare

āsmānoñ se koī ban ke du'ā baat kare

vo mah-e-tābāñ lab-e-bām hai zulfeñ khole

chāñd sharmā.e sitāroñ kī ridā baat kare

paas baiThe vo koī der ḳhamoshī sun le

maiñ ne kab chāhā ki mujh se vo sadā baat kare

hai fazāoñ meñ bhalā kis kī nidā ghul sī ga.ī

us ke lahje meñ hī ab āb-o-havā baat kare

phuul murjhā ga.e gulshan ke sabhī bād-e-sabā

us se kahiyo ki vo ab bahr-e-ḳhudā baat kare

shab ki tanhai mein jab dil ki nawa baat kare

aasmanon se koi ban ke du'a baat kare

wo mah-e-taban lab-e-baam hai zulfen khole

chand sharmae sitaron ki rida baat kare

pas baiThe wo koi der KHamoshi sun le

main ne kab chaha ki mujh se wo sada baat kare

hai fazaon mein bhala kis ki nida ghul si gai

us ke lahje mein hi ab aab-o-hawa baat kare

phul murjha gae gulshan ke sabhi baad-e-saba

us se kahiyo ki wo ab bahr-e-KHuda baat kare