shab mein wan jaun to jaun kis tarah
shab meñ vaañ jā.ūñ to jā.ūñ kis tarah
baḳht-e-ḳhufta ko jagā.ūñ kis tarah
qissa-ḳhvāñ baiThe haiñ ghere us ke ta.iiñ
dāstāñ apnī sunā.ūñ kis tarah
go maiñ āshiq huuñ pa tāqat hai mirī
haath paañv ko lagā.ūñ kis tarah
rakh diyā hai sar pe ik koh-e-ḳhayāl
sar ko zaanū se uThā.ūñ kis tarah
naala girya kī madad kartā nahīñ
ashk ke naale bahā.ūñ kis tarah
chaah vo shai hai ki chhuptī hī nahīñ
us ko yā-rab maiñ chhupā.ūñ kis tarah
aa banī hai 'mus.hafī' kī jaan par
yā-rab apnā jī bachā.ūñ kis tarah
shab mein wan jaun to jaun kis tarah
baKHt-e-KHufta ko jagaun kis tarah
qissa-KHwan baiThe hain ghere us ke tain
dastan apni sunaun kis tarah
go main aashiq hun pa taqat hai meri
hath panw ko lagaun kis tarah
rakh diya hai sar pe ek koh-e-KHayal
sar ko zanu se uThaun kis tarah
nala girya ki madad karta nahin
ashk ke nale bahaun kis tarah
chah wo shai hai ki chhupti hi nahin
us ko ya-rab main chhupaun kis tarah
aa bani hai 'mushafi' ki jaan par
ya-rab apna ji bachaun kis tarah
- Book : kulliyat-e-mas.hafii(Vol-4)(pdf) (Pg. 111)
- Author : Ghulam hamdani Mashafi
- Publication : Qaumi council baraye -farogh urdu (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
