shabnam ki tarah subh ki aankhon mein paDa hai

shabnam kī tarah sub.h kī āñkhoñ meñ paḌā hai

hālāt kā maarā hai panāhoñ meñ paḌā hai

thā zindagī ke saaz pe chheḌā huā naġhma

be-rabt jo TuuTe hue sāzoñ meñ paḌā hai

sūraj kī shuāoñ se ulajhtā hai musalsal

saaya hai abhī vaqt kī bāhoñ meñ paḌā hai

tārīḳh batā.egī vo qatra hai ki dariyā

aañsū hai abhī vaqt ke qadmoñ meñ paḌā hai

is tarah vo rad kartā hai 'ālam' ke kahe ko

jaise koī bharpūr gunāhoñ meñ paḌā hai

shabnam ki tarah subh ki aankhon mein paDa hai

haalat ka mara hai panahon mein paDa hai

tha zindagi ke saz pe chheDa hua naghma

be-rabt jo TuTe hue sazon mein paDa hai

suraj ki shuaon se ulajhta hai musalsal

saya hai abhi waqt ki bahon mein paDa hai

tariKH bataegi wo qatra hai ki dariya

aansu hai abhi waqt ke qadmon mein paDa hai

is tarah wo rad karta hai 'alam' ke kahe ko

jaise koi bharpur gunahon mein paDa hai