shahar-e-ghaflat ke makin waise to kab jagte hain

shahar-e-ġhaflat ke makīñ vaise to kab jāgte haiñ

ek andesha-e-shab-ḳhūñ hai ki sab jāgte haiñ

shāyad ab ḳhatm huā chāhtā hai ahd-e-sukūt

harf-e-e.ajāz kī tāsīr se lab jāgte haiñ

rāh-gum-karda-e-manzil haiñ ki manzil kā surāġh

kuchh sitāre jo sar-e-qarya-e-shab jāgte haiñ

aks in ā.ankhoñ se vo mahv hue jo ab tak

ḳhvāb kī misl pas-e-chashm-e-talab jāgte haiñ

shahar-e-ghaflat ke makin waise to kab jagte hain

ek andesha-e-shab-KHun hai ki sab jagte hain

shayad ab KHatm hua chahta hai ahd-e-sukut

harf-e-eajaz ki tasir se lab jagte hain

rah-gum-karda-e-manzil hain ki manzil ka suragh

kuchh sitare jo sar-e-qarya-e-shab jagte hain

aks in aaankhon se wo mahw hue jo ab tak

KHwab ki misl pas-e-chashm-e-talab jagte hain