shahr KHamosh hai sab neza-o-KHanjar chup hain

shahr ḳhāmosh hai sab neza-o-ḳhanjar chup haiñ

kaisī uftād paḌī hai ki sitamgar chup haiñ

ḳhuuñ kā sailāb thā jo sar se abhī guzrā hai

bām-o-dar ab bhī sisakte haiñ magar ghar chup haiñ

chār-sū dasht meñ phailā hai udāsī kā dhuāñ

phuul sahme haiñ havā Thahrī hai manzar chup haiñ

mutma.in koī nahīñ nāma-e-ā'māl se aaj

muskurātā hai ḳhudā saare payambar chup haiñ

lauT ke aatī nahīñ ab to sadā-e-gumbad

chup haiñ sab dair-o-haram masnad-o-mimbar chup haiñ

maiñ jo ḳhāmosh thā ik shor thā har mahfil meñ

merī goyā.ī pe ab saare suḳhnavar chup haiñ

shahr KHamosh hai sab neza-o-KHanjar chup hain

kaisi uftad paDi hai ki sitamgar chup hain

KHun ka sailab tha jo sar se abhi guzra hai

baam-o-dar ab bhi sisakte hain magar ghar chup hain

chaar-su dasht mein phaila hai udasi ka dhuan

phul sahme hain hawa Thahri hai manzar chup hain

mutmain koi nahin nama-e-a'mal se aaj

muskuraata hai KHuda sare payambar chup hain

lauT ke aati nahin ab to sada-e-gumbad

chup hain sab dair-o-haram masnad-o-mimbar chup hain

main jo KHamosh tha ek shor tha har mahfil mein

meri goyai pe ab sare suKHnawar chup hain