shahr-e-na-pursan mein kuchh apna pata milta nahin
shahr-e-nā-pursāñ meñ kuchh apnā pata miltā nahīñ
bām-o-dar raushan haiñ lekin rāsta miltā nahīñ
fasl-e-gul aisī ki arzāñ ho ga.e kāġhaz ke phuul
ab koī gul-pairahan zarrīñ-qabā miltā nahīñ
āshnā chehroñ se rañg-e-āshnā.ī uḌ gayā
ham-zabāñ ab ḳhushk pattoñ ke sivā miltā nahīñ
ek sannāTā hai shabnam se shuā-e-nūr tak
ab koī āñchal pas-e-mauj-e-sabā miltā nahīñ
hākimoñ ne shahr ke andar fasīleñ khīñch diiñ
din meñ bhī ab koī darvāza khulā miltā nahīñ
itne be-parvā irāde itne be-taufīq ġham
haath uThte haiñ magar harf-e-duā miltā nahīñ
shahr-e-na-pursan mein kuchh apna pata milta nahin
baam-o-dar raushan hain lekin rasta milta nahin
fasl-e-gul aisi ki arzan ho gae kaghaz ke phul
ab koi gul-pairahan zarrin-qaba milta nahin
aashna chehron se rang-e-ashnai uD gaya
ham-zaban ab KHushk patton ke siwa milta nahin
ek sannaTa hai shabnam se shua-e-nur tak
ab koi aanchal pas-e-mauj-e-saba milta nahin
hakimon ne shahr ke andar fasilen khinch din
din mein bhi ab koi darwaza khula milta nahin
itne be-parwa irade itne be-taufiq gham
hath uThte hain magar harf-e-dua milta nahin
- Book : Quarterly Urdu International (Pg. 115)
- Author : Ashfaq Hussain
- Publication : 80, Richmond Street West, Suite 201, Toronto, Ontario Canada M5H 2A4 (May, July 1983 Issue-2)
- Edition : May, July 1983 Issue-2
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
