shahr ke footpath par kuchh chubhte manzar dekhna
shahr ke fōtpath par kuchh chubhte manzar dekhnā
sard rātoñ meñ kabhī ghar se nikal kar dekhnā
ye samajh lo tishnagī kā daur sar par aa gayā
raat ko ḳhvāboñ meñ rah rah kar samundar dekhnā
kis ke hāthoñ meñ haiñ patthar kaun ḳhālī haath hai
ye samajhne ke liye shīsha sā ban kar dekhnā
be-hisī hai buz-dilī hai hausla-mandī nahīñ
baiTh kar sāhil pe tūfānoñ ke tevar dekhnā
ai mire āñgan ke saa.e ai mire phaldār peḌ
terī qismat meñ hai ab patthar hī patthar dekhnā
ye sitam ye shorisheñ tamhīd haiñ is baat kī
bastī bastī har taraf ḳhuuñ kā samundar dekhnā
shahr ke footpath par kuchh chubhte manzar dekhna
sard raaton mein kabhi ghar se nikal kar dekhna
ye samajh lo tishnagi ka daur sar par aa gaya
raat ko KHwabon mein rah rah kar samundar dekhna
kis ke hathon mein hain patthar kaun KHali hath hai
ye samajhne ke liye shisha sa ban kar dekhna
be-hisi hai buz-dili hai hausla-mandi nahin
baiTh kar sahil pe tufanon ke tewar dekhna
ai mere aangan ke sae ai mere phaldar peD
teri qismat mein hai ab patthar hi patthar dekhna
ye sitam ye shorishen tamhid hain is baat ki
basti basti har taraf KHun ka samundar dekhna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
