shahr kya dekhen ki har manzar mein jale paD gae

Rahat Indori

shahr kya dekhen ki har manzar mein jale paD gae

Rahat Indori

MORE BYRahat Indori

    shahr kyā dekheñ ki har manzar meñ jaale paḌ ga.e

    aisī garmī hai ki piile phuul kaale paḌ ga.e

    maiñ añdheroñ se bachā laayā thā apne-āp ko

    merā dukh ye hai mire pīchhe ujāle paḌ ga.e

    jin zamīnoñ ke qabāle haiñ mire purkhoñ ke naam

    un zamīnoñ par mire jiine ke laale paḌ ga.e

    taaq meñ baiThā huā būḌhā kabūtar ro diyā

    jis meñ Derā thā usī masjid meñ taale paḌ ga.e

    koī vāris ho to aa.e aur aa kar dekh le

    zill-e-sub.hānī ūñchī chhat meñ jaale paḌ ga.e

    shahr kya dekhen ki har manzar mein jale paD gae

    aisi garmi hai ki pile phul kale paD gae

    main andheron se bacha laya tha apne-ap ko

    mera dukh ye hai mere pichhe ujale paD gae

    jin zaminon ke qabaale hain mere purkhon ke nam

    un zaminon par mere jine ke lale paD gae

    taq mein baiTha hua buDha kabutar ro diya

    jis mein Dera tha usi masjid mein tale paD gae

    koi waris ho to aae aur aa kar dekh le

    zill-e-subhani ki unchi chhat mein jale paD gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY