shahr mein ban ke mohabbat ka gadagar mangun

shahr meñ ban ke mohabbat kā gadāgar māñgūñ

mujh ko māñge se mile vo to maiñ dar dar māñgūñ

dahr kī daar pe jhūlūñ bhī to kaise jhūlūñ

ġham-e-duniyā bhī tire qad ke barābar māñgūñ

ik taraf dil ki tire ġham se ubhartā hī nahīñ

ik taraf maiñ ki tirī diid kā gauhar māñgūñ

terī yādoñ kī uḌāneñ bhī bahut ḳhuub magar

dil ye kahtā hai tire lams kā shahpar māñgūñ

zindagī merī hai kashkol-e-tahī kī sūrat

us bhikārī se maiñ māñgūñ bhī to kyā zar māñgūñ

ek patthar tirī rāhoñ se haTā huuñ jab se

aaj ye haal ki har paañv se Thokar māñgūñ

shahr mein ban ke mohabbat ka gadagar mangun

mujh ko mange se mile wo to main dar dar mangun

dahr ki dar pe jhulun bhi to kaise jhulun

gham-e-duniya bhi tere qad ke barabar mangun

ek taraf dil ki tere gham se ubharta hi nahin

ek taraf main ki teri did ka gauhar mangun

teri yaadon ki uDanen bhi bahut KHub magar

dil ye kahta hai tere lams ka shahpar mangun

zindagi meri hai kashkol-e-tahi ki surat

us bhikari se main mangun bhi to kya zar mangun

ek patthar teri rahon se haTa hun jab se

aaj ye haal ki har panw se Thokar mangun