shahr mein kaisa KHatar lagta hai

shahr meñ kaisā ḳhatar lagtā hai

apne saa.e se bhī Dar lagtā hai

aaj phir dil hai duā par maa.il

band phir bāb-e-asar lagtā hai

kuchh vaqār-e-dar-o-dīvār nahīñ

ho makīñ ghar meñ to ghar lagtā hai

āshiyāñ jis meñ parindoñ ke na hoñ

kitnā tanhā vo shajar lagtā hai

āsmāñ kitnā jhuk aayā hai 'sharīf'

sar uThātā huuñ to sar lagtā hai

shahr mein kaisa KHatar lagta hai

apne sae se bhi Dar lagta hai

aaj phir dil hai dua par mail

band phir bab-e-asar lagta hai

kuchh waqar-e-dar-o-diwar nahin

ho makin ghar mein to ghar lagta hai

aashiyan jis mein parindon ke na hon

kitna tanha wo shajar lagta hai

aasman kitna jhuk aaya hai 'sharif'

sar uThata hun to sar lagta hai