shahr se jab bhi koi shahr juda hota hai
shahr se jab bhī koī shahr judā hotā hai
har taraf naqshe pe kohrām bapā hotā hai
roz ik baaġh guzartā hai isī raste se
roz kashkol meñ ik phuul dharā hotā hai
zaḳhm aur peḌ ne ik saath duā māñgī hai
dekhiye pahle yahāñ kaun harā hotā hai
ek duuje ko kabhī jaan nahīñ paa.e ham
maiñ nayā hotā huuñ yā ḳhvāb nayā hotā hai
maiñ sunā aayā huuñ kal raat use apnī kathā
jaane ab yaar kī dīvār kā kyā hotā hai
shahr se jab bhi koi shahr juda hota hai
har taraf naqshe pe kohram bapa hota hai
roz ek bagh guzarta hai isi raste se
roz kashkol mein ek phul dhara hota hai
zaKHm aur peD ne ek sath dua mangi hai
dekhiye pahle yahan kaun hara hota hai
ek duje ko kabhi jaan nahin pae hum
main naya hota hun ya KHwab naya hota hai
main suna aaya hun kal raat use apni katha
jaane ab yar ki diwar ka kya hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
