mujhko kahaniyan na suna shahr ko bacha

Taimur Hasan

mujhko kahaniyan na suna shahr ko bacha

Taimur Hasan

MORE BYTaimur Hasan

    mujh ko kahāniyāñ na sunā shahr ko bachā

    bātoñ se merā dil na lubhā shahr ko bachā

    mere tahaffuzāt hifāzat se haiñ juḌe

    mere tahaffuzāt miTā shahr ko bachā

    is liye hai shahr hākim ki shahr hai

    us baqā meñ terī baqā shahr ko bachā

    jaag jā.egā to sabhī jaag jā.eñge

    ai shahryār jaag zarā shahr ko bachā

    chāhtā hai ghar tirā mahfūz ho agar

    phir sirf apnā ghar na bachā shahr ko bachā

    koī nahīñ bachāne ko aage baḌhā huzūr

    har ik ne dūsre se kahā shahr ko bachā

    lagtā hai log ab na bachā pā.eñge ise

    allāh madad ko mirī aa shahr ko bachā

    tārīḳh-dān likkhegā 'taimūr' ye zarūr

    ik shaḳhs thā jo kahtā rahā shahr ko bachā

    mujh ko kahaniyan na suna shahr ko bacha

    baaton se mera dil na lubha shahr ko bacha

    mere tahaffuzat hifazat se hain juDe

    mere tahaffuzat miTa shahr ko bacha

    tu is liye hai shahr ka hakim ki shahr hai

    us ki baqa mein teri baqa shahr ko bacha

    tu jag jaega to sabhi jag jaenge

    ai shahryar jag zara shahr ko bacha

    tu chahta hai ghar tera mahfuz ho agar

    phir sirf apna ghar na bacha shahr ko bacha

    koi nahin bachane ko aage baDha huzur

    har ek ne dusre se kaha shahr ko bacha

    lagta hai log ab na bacha paenge ise

    allah madad ko tu meri aa shahr ko bacha

    tariKH-dan likkhega 'taimur' ye zarur

    ek shaKHs tha jo kahta raha shahr ko bacha

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY