shaiKH ko kabe se jo maqsud hai

shaiḳh ko ka.abe se jo maqsūd hai

vo kunisht-e-dil hī meñ maujūd hai

mere jalne kī kisī ko kyā ḳhabar

sozish-e-dil ātish-e-be-dūd hai

ne haram se kaam hai ne dair se

ḳhāna-e-dil hī mirā masjūd hai

farq mat kar āshiq o ma.ashūq meñ

ḳhud ayaaz aur aap hī mahmūd hai

kyā parī kyā huur kyā jinn-o-bashar

sab meñ vo shāyad mirā mash.hūd hai

mashrab-e-ushshāq meñ ai zāhido

us kā jo maḳhlūq hai ma.abūd hai

sañg o aahan ko ye kartī hai gudāz

aah hai ye naġhma-e-dā.ūd hai

kis se ai 'joshish' kahūñ maiñ dard-e-dil

mere us ke bolnā mafqūd hai

shaiKH ko kabe se jo maqsud hai

wo kunisht-e-dil hi mein maujud hai

mere jalne ki kisi ko kya KHabar

sozish-e-dil aatish-e-be-dud hai

ne haram se kaam hai ne dair se

KHana-e-dil hi mera masjud hai

farq mat kar aashiq o mashuq mein

KHud ayaz aur aap hi mahmud hai

kya pari kya hur kya jinn-o-bashar

sab mein wo shayad mera mashhud hai

mashrab-e-ushshaq mein ai zahido

us ka jo maKHluq hai mabud hai

sang o aahan ko ye karti hai gudaz

aah hai ye naghma-e-daud hai

kis se ai 'joshish' kahun main dard-e-dil

mere us ke bolna mafqud hai