shajar se mil ke jo rone laga tha

shajar se mil ke jo rone lagā thā

parinda Daar se bichhḌā huā thā

Thahartā hī na thā dariyā kahīñ par

magar tasvīr meñ dekhā gayā thā

maiñ tishna-lab agarche lauT aayā

magar dariyā ko ye mahñgā paḌā thā

darūn-e-dil ḳhalish aisī khulī thī

ki jis kā rañg chehre par uḌā thā

maiñ jab niklā tamannā ke safar par

mire raste meñ ik sahrā paḌā thā

ye duniyā jis ghaḌī guzrī yahāñ se

maiñ tere ḳhvāb meñ khoyā huā thā

mohabbat aag hai aisī ki jalnā

diloñ ke baḳht meñ likkhā gayā thā

shajar se mil ke jo rone laga tha

parinda Dar se bichhDa hua tha

Thaharta hi na tha dariya kahin par

magar taswir mein dekha gaya tha

main tishna-lab agarche lauT aaya

magar dariya ko ye mahnga paDa tha

darun-e-dil KHalish aisi khuli thi

ki jis ka rang chehre par uDa tha

main jab nikla tamanna ke safar par

mere raste mein ek sahra paDa tha

ye duniya jis ghaDi guzri yahan se

main tere KHwab mein khoya hua tha

mohabbat aag hai aisi ki jalna

dilon ke baKHt mein likkha gaya tha