shajar ye chaar-su baad-e-KHizan ke mare hue

shajar ye chār-sū bād-e-ḳhizāñ ke maare hue

sipāhī jaise nihatte adū se haare hue

ab aa bhī jā mirī jaañ ik zamāna biit gayā

biThā ke pahlū meñ terī nazar utāre hue

zarūr merī kisī baat par ḳhafā ho tum

vagarna kyoñ mire dushman mire sitāre hue

ye sard raat december kī kaaT dī maiñ ne

tire badan kī tapish ruuh meñ utāre hue

rahe parakhte bas ik dūsre ko duur se ham

na tum hamāre hue aur na ham tumhāre hue

laboñ pe un ke sadā qillatoñ kā ronā hai

ye log kasrat-e-aulād ke haiñ maare hue

judā.ī de ga.e sadiyoñ kī tum to jān-e-'shabāb'

janam guzar ga.e kitne tumheñ pukāre hue

shajar ye chaar-su baad-e-KHizan ke mare hue

sipahi jaise nihatte adu se haare hue

ab aa bhi ja meri jaan ek zamana bit gaya

biTha ke pahlu mein teri nazar utare hue

zarur meri kisi baat par KHafa ho tum

wagarna kyon mere dushman mere sitare hue

ye sard raat december ki kaT di main ne

tere badan ki tapish ruh mein utare hue

rahe parakhte bas ek dusre ko dur se hum

na tum hamare hue aur na hum tumhaare hue

labon pe un ke sada qillaton ka rona hai

ye log kasrat-e-aulad ke hain mare hue

judai de gae sadiyon ki tum to jaan-e-'shabab'

janam guzar gae kitne tumhein pukare hue