shakl-e-jaanana ja-ba-ja hain hum

shakl-e-jānāna jā-ba-jā haiñ ham

kahīñ naaz aur kahīñ adā haiñ ham

kahīñ iisā haiñ ham kahīñ murda

kahīñ zinda kahīñ fanā haiñ ham

kahīñ aalā haiñ aur kahīñ adnā

kahīñ sultāñ kahīñ gadā haiñ ham

haiñ kahīñ āshiq-e-jigar-e-ḳhasta

kahīñ ma.ashūq-e-dil-rubā haiñ ham

kahīñ qatra haiñ aur kahīñ dariyā

kahīñ kashtī ke nāḳhudā haiñ ham

haiñ kahīñ ham davā-e-dāfa-e-dard

aur kahīñ dard-e-lā-davā haiñ ham

kahīñ haiñ shaah sūrat-e-ḳhādim

aur kahīñ 'āsim'-e-gadā haiñ ham

shakl-e-jaanana ja-ba-ja hain hum

kahin naz aur kahin ada hain hum

kahin isa hain hum kahin murda

kahin zinda kahin fana hain hum

kahin aala hain aur kahin adna

kahin sultan kahin gada hain hum

hain kahin aashiq-e-jigar-e-KHasta

kahin mashuq-e-dil-ruba hain hum

kahin qatra hain aur kahin dariya

kahin kashti ke naKHuda hain hum

hain kahin hum dawa-e-dafa-e-dard

aur kahin dard-e-la-dawa hain hum

kahin hain shah surat-e-KHadim

aur kahin 'asim'-e-gada hain hum