shakl sahra ki hamesha jaani-pahchani rahe

shakl sahrā kī hamesha jānī-pahchānī rahe

mere aage pīchhe daa.eñ baa.eñ vīrānī rahe

saarī samteñ aa ke jis markaz pe ho jaatī haiñ ek

ḳham usī jānib hamesha merī peshānī rahe

aage aage maiñ tirā parcham liye chaltā rahūñ

arz-e-dil par mere qaa.em terī sultānī rahe

raushnī ko ho mirī aisā koī māḳhaz atā

zarra-e-nāchīz meñ din raat tābānī rahe

neza-o-shamshīr-o-ḳhanjar kī agar ifrāt hai

ḳhuun kī bhī merī rag rag meñ farāvānī rahe

merī kashtī ko Dubo kar chain se baiThe na tū

ai mire dariyā! hamesha tujh meñ tuġhyānī rahe

ab tajāvuz ban gayā ma.amūl varna muddatoñ

apnī apnī had meñ shahrī aur bayābānī rahe

shakl sahra ki hamesha jaani-pahchani rahe

mere aage pichhe daen baen virani rahe

sari samten aa ke jis markaz pe ho jati hain ek

KHam usi jaanib hamesha meri peshani rahe

aage aage main tera parcham liye chalta rahun

arz-e-dil par mere qaem teri sultani rahe

raushni ko ho meri aisa koi maKHaz ata

zarra-e-nachiz mein din raat tabani rahe

neza-o-shamshir-o-KHanjar ki agar ifraat hai

KHun ki bhi meri rag rag mein farawani rahe

meri kashti ko Dubo kar chain se baiThe na tu

ai mere dariya! hamesha tujh mein tughyani rahe

ab tajawuz ban gaya mamul warna muddaton

apni apni had mein shahri aur bayabani rahe