sham-e-tanha ki tarah subh ke tare jaise

sham-e-tanhā kī tarah sub.h ke taare jaise

shahr meñ ek hī do hoñge hamāre jaise

chhū gayā thā kabhī is jism ko ik shola-e-dard

aaj tak ḳhaak se uḌte haiñ sharāre jaise

hausle detā hai ye abr-e-gurezāñ kyā kyā

zinda huuñ dasht meñ ham us ke sahāre jaise

saḳht-jāñ ham sā koī tum ne na dekhā hogā

ham ne qātil ka.ī dekhe haiñ tumhāre jaise

dīdanī hai mujhe siine se lagānā us kā

apne shānoñ se koī bojh utāre jaise

ab jo chamkā hai ye ḳhanjar to ḳhayāl aatā hai

tujh ko dekhā ho kabhī nahr kināre jaise

us kī āñkheñ haiñ ki ik Dūbne vaalā insāñ

dūsre Dūbne vaale ko pukāre jaise

sham-e-tanha ki tarah subh ke tare jaise

shahr mein ek hi do honge hamare jaise

chhu gaya tha kabhi is jism ko ek shola-e-dard

aaj tak KHak se uDte hain sharare jaise

hausle deta hai ye abr-e-gurezan kya kya

zinda hun dasht mein hum us ke sahaare jaise

saKHt-jaan hum sa koi tum ne na dekha hoga

hum ne qatil kai dekhe hain tumhaare jaise

didani hai mujhe sine se lagana us ka

apne shanon se koi bojh utare jaise

ab jo chamka hai ye KHanjar to KHayal aata hai

tujh ko dekha ho kabhi nahr kinare jaise

us ki aankhen hain ki ek Dubne wala insan

dusre Dubne wale ko pukare jaise