sham se ye kah rahi hai KHak-e-parwana abhi

sham' se ye kah rahī hai ḳhāk-e-parvāna abhī

raat āḳhir ho ga.ī baaqī hai afsāna abhī

ḳhatm ho jā.egī is ke baa'd tafsīr-e-hayāt

zindagī kahne ko hai ik aur afsāna abhī

baal to aa hī gayā ab TūTne kī der hai

aur ik sadme kā hai muhtāj paimāna abhī

qaid piine kī nahīñ pī kar bahaknā jurm hai

ham ne samjhā hī nahīñ dastūr-e-mai-ḳhāna abhī

aaj to shāyad thake-hāroñ kī manzil aa ga.ī

aur thoḌī duur chal ai 'azm-e-mardāna abhī

us ke hāthoñ se kahīñ dāman chhuḌāyā jā.egā

tum ne dekhā hī nahīñ hai koī dīvāna abhī

dekh ai rahrau pahuñchnā hai harīm-e-nāz tak

kā'ba rokegā tujhe rokegā but-ḳhāna abhī

zehn meñ ab bhī ubhar aate haiñ derīna nuqūsh

hañste hañste ro liyā kartā hai dīvāna abhī

tū ġham-e-duniyā se ai 'maḳhmūr' ghabrātā hai kyoñ

terī jānib hai nigāh-e-pīr-e-mai-ḳhāna abhī

sham' se ye kah rahi hai KHak-e-parwana abhi

raat aaKHir ho gai baqi hai afsana abhi

KHatm ho jaegi is ke ba'd tafsir-e-hayat

zindagi kahne ko hai ek aur afsana abhi

baal to aa hi gaya ab TuTne ki der hai

aur ek sadme ka hai muhtaj paimana abhi

qaid pine ki nahin pi kar bahakna jurm hai

hum ne samjha hi nahin dastur-e-mai-KHana abhi

aaj to shayad thake-haaron ki manzil aa gai

aur thoDi dur chal ai 'azm-e-mardana abhi

us ke hathon se kahin daman chhuDaya jaega

tum ne dekha hi nahin hai koi diwana abhi

dekh ai rahrau pahunchna hai harim-e-naz tak

ka'ba rokega tujhe rokega but-KHana abhi

zehn mein ab bhi ubhar aate hain derina nuqush

hanste hanste ro liya karta hai diwana abhi

tu gham-e-duniya se ai 'maKHmur' ghabraata hai kyon

teri jaanib hai nigah-e-pir-e-mai-KHana abhi