sharab-noshi hai din-raat shaghl-e-baada hai

sharāb-noshī hai din-rāt shaġhl-e-bāda hai

tabāh karne kā ḳhud ko mirā irāda hai

sajī hai ‘ārzī muskān to laboñ pe magar

hamārī ruuh pe zaḳhmoñ kā ik labāda hai

adā.eñ jis kī qayāmat haiñ chaal hai kāfir

vo shaḳhs dekhne meñ haa.e kitnā saada hai

dukhoñ ne aa ke basā lī haiñ bastiyāñ kitnī

pata chalā thā mirā dil bahut kushāda hai

tumhāre husn kā charchā hai gar zamāne meñ

hamārā 'ishq bhī majnūñ se kuchh ziyāda hai

butoñ kī dhun meñ guzārī thī zindagī 'yāsir'

ḳhudā ke naam pe marne kā ab irāda hai

sharab-noshi hai din-raat shaghl-e-baada hai

tabah karne ka KHud ko mera irada hai

saji hai ‘arzi muskan to labon pe magar

hamari ruh pe zaKHmon ka ek labaada hai

adaen jis ki qayamat hain chaal hai kafir

wo shaKHs dekhne mein hae kitna sada hai

dukhon ne aa ke basa li hain bastiyan kitni

pata chala tha mera dil bahut kushada hai

tumhaare husn ka charcha hai gar zamane mein

hamara 'ishq bhi majnun se kuchh ziyaada hai

buton ki dhun mein guzari thi zindagi 'yasir'

KHuda ke nam pe marne ka ab irada hai