شراب پینے کی عادت بہت پرانی ہے

شراب پینے کی عادت بہت پرانی ہے

مرے شباب کی باقی یہی نشانی ہے

وہ بادہ خوار سے خونخوار ہو گیا کیونکر

اسے سناتے ہو جس کی لکھی کہانی ہے

قدم زمین پہ لیکن نظر فلک پیما

ہر اک زمانہ میں مشہور نوجوانی ہے

جنوں کے کوچے میں کچھ روز تو ٹھہر جاؤ

خرد میں بیتی جو عمر رواں وہ فانی ہے

کبھی اداس کبھی قہقہے لگاتی ہے

سمجھ لو دوستو یہ زندگی دوانی ہے

سنا ہے ہم نے بھی خاموش مفسدوں کی قسم

نظر لگے نہ فضا شہر کی سہانی ہے