شریک غم مرا سایہ نہیں تھا

شریک غم مرا سایہ نہیں تھا

وگرنہ دسترس میں کیا نہیں تھا

سر صحرائے غم تشنہ لبی تھی

لب دریا کوئی پیاسا نہیں تھا

اجالے دور تک پھیلے ہوئے تھے

پس پردہ کوئی چہرہ نہیں تھا

وہ چہرے ہی تمازت کھو چکے تھے

غبار آلودہ آئینہ نہیں تھا

مرے خوابوں میں کیسے ڈھل گیا ہے

جسے میں نے کبھی سوچا نہیں تھا

مجھے بھی بد گمانی ہو گئی تھی

ترا لہجہ بھی شائستہ نہیں تھا

اندھیرے میں نشاں گم ہو گئے تھے

مسافر راستہ بھولا نہیں تھا