sharik-e-mahfil-e-dar-o-rasan kuchh aur bhi hain

sharīk-e-mahfil-e-dār-o-rasan kuchh aur bhī haiñ

sitamgaro abhī ahl-e-kafan kuchh aur bhī haiñ

ravāñ-davāñ yūñhī ai nannhī būñdiyoñ ke abr

ki is dayār meñ ujḌe chaman kuchh aur bhī haiñ

ḳhudā kare na thakeñ hashr tak junūñ ke paañv

abhī manāzil-e-ranj-o-mehan kuchh aur bhī haiñ

abhī sumūm ne maanī kahāñ nasīm se haar

abhī to ma.arka-hā-e-chaman kuchh aur bhī haiñ

abhī to haiñ dil-e-shā.ir haiñ saikḌoñ nāsūr

abhī to mo.ajiza-hā-e-suḳhan kuchh aur bhī haiñ

dil-e-gudāz ne āñkhoñ ko de diye aañsū

ye jānte hue ġham ke chalan kuchh aur bhī haiñ

sharik-e-mahfil-e-dar-o-rasan kuchh aur bhi hain

sitamgaro abhi ahl-e-kafan kuchh aur bhi hain

rawan-dawan yunhi ai nannhi bundiyon ke abr

ki is dayar mein ujDe chaman kuchh aur bhi hain

KHuda kare na thaken hashr tak junun ke panw

abhi manazil-e-ranj-o-mehan kuchh aur bhi hain

abhi sumum ne mani kahan nasim se haar

abhi to marka-ha-e-chaman kuchh aur bhi hain

abhi to hain dil-e-shair hain saikDon nasur

abhi to moajiza-ha-e-suKHan kuchh aur bhi hain

dil-e-gudaz ne aankhon ko de diye aansu

ye jaante hue gham ke chalan kuchh aur bhi hain